الأسئلة الشائعة

Procu منصة مشتريات صناعية بالعربي وعلى واتساب. بتكتب أو تسجّل أو تصوّر طلبك، وإحنا بنحوّله لطلب عروض أسعار منظّم، ونوصّله للموردين المناسبين في فئته، ونرجّعلك العروض مقارنة في مكان واحد.

للمصانع والشركات الصناعية الصغيرة والمتوسطة في مصر (مشترين)، وللموردين والمصنّعين والتجار اللي بيورّدوا لها. بدأنا بالعاشر من رمضان والمناطق الصناعية حولها.

لا. تقدر تستخدم Procu من واتساب بس. وفيه كمان بوابة ويب وتطبيق موبايل للي بيحب يشوف طلباته وعروضه في لوحة.

ابعت رسالة على رقم Procu الرسمي على واتساب. هتجاوب على كام سؤال (نوع الحساب، اسم الشركة، النشاط)، وفريقنا بيراجع الطلب ويفعّل حسابك. بعد التفعيل تقدر تبعت أول طلب.

زي ما بتقوله لمندوبك: «محتاج 50 رولمان بلي 6205 و20 لتر زيت هيدروليك». نص، أو رسالة صوتية، أو صورة للقطعة أو للقائمة، أو ملف Excel/PDF بالكميات.

صوّرها وابعتها، أو اكتب رقم الموديل لو موجود عليها. النظام بيحاول يطلّع منها بنود الطلب، وأي بند مش واضح بيتراجع من فريقنا قبل ما يتبعت.

لا. بنرجّعلك البنود مكتوبة تراجعها، وبنعرض لك الموردين اللي هيستلموا الطلب، ومفيش حاجة بتتبعت إلا بعد تأكيدك.

ده بيعتمد على عدد الموردين النشطين في فئة طلبك وسرعة ردهم. إحنا بنتابع الموردين ونذكّرهم تلقائيًا، وبنبلّغك بكل عرض أول ما يوصل. مش بنوعد برقم عروض أو بزمن محدد.

العروض بتوصلك مترتبة بالسعر في رسالة واحدة على واتساب، أو في جدول مقارنة على الويب والتطبيق: السعر، مدة التوريد، وبيانات المورد. تقبل العرض برد رقمه.

بيتولّد أمر توريد رسمي PDF بالعربي والإنجليزي، والمورد بيأكد استلامه، وتقدر تتابع حالة الأمر وتقيّم المورد بعد الاستلام.

أيوه. تقدر تبعت عرض مضاد على أي عرض، والمورد يرد عليه من نفس المكان.

الموردين اللي اتطابقوا مع فئة طلبك وأكدت عليهم بس. طلبك مش بيتنشر في جروبات ولا بيبان لمنافسينك.

أيوه، ملف Excel أو CSV لحد 200 سطر، من الويب أو على واتساب.

من واتساب: جاوب على أسئلة التسجيل، وفريقنا بيراجع ويفعّل حسابك. بعدها ابعت منتجاتك بنص أو صورة أو صوت أو ملف وإحنا نجهّز كتالوجك لمراجعتك.

الطلبات اللي في تخصصك بتوصلك على واتساب (وفي لوحة المورد على الويب والتطبيق). ترد بسعرك ومدة التوريد في رسالة، أو من رابط عرض السعر من غير تسجيل دخول.

مورد رفع مستندات شركته (السجل التجاري والبطاقة الضريبية) وفريقنا راجعها. الشارة بتظهر للمشترين جنب اسمك.

لا، مفيش عمولة على الصفقة. النموذج اشتراك. (الباقات المدفوعة بتحصل على أولوية ظهور في الترتيب — بنوضّح ده في الشروط.)

للمزيد: الشروط والأحكام

ابعتلنا الكتالوج PDF أو Excel وإحنا نرفعه لك وتراجعه قبل النشر.

بياناتك معزولة على مستوى الحساب والصلاحيات؛ كل شركة بتشوف طلباتها وعروضها بس. فريق التشغيل عنده صلاحية محدودة لمراجعة الطلبات غير الواضحة. بنستخدم مزوّدي ذكاء اصطناعي خارجيين لفهم الطلبات — راجع سياسة الخصوصية للتفاصيل.

للمزيد: سياسة الخصوصية

ممكن. عشان كده كل طلب بيترجع لك تراجعه قبل الإرسال، والحالات غير المؤكدة بتتراجع بشريًا، وفيه ضوابط تمنع أخطاء شائعة زي اختراع ماركة أو خلط الكمية برقم الموديل.

مؤشر داخلي مبني على سرعة الرد، تقييمات التسليم من المشترين، والتوثيق. بنستخدمه عشان نساعدك تقارن، مش عشان نختار بدالك.

فيه باقة مجانية للبداية وباقات مدفوعة بالجنيه عبر بوابة دفع محلية. التفاصيل الحالية في صفحة الأسعار.

للمزيد: صفحة الأسعار

برنامج محدود لأول 10 مصانع: متابعة مباشرة من الفريق، وتحسينات على طلباتكم الحقيقية، ونتائج بتتنشر بإذنكم فقط.

للمزيد: برنامج الـPilot

بنفهم العربي الفصحى والعامية نصًا وصوتًا، وبنتعلّم مصطلحات جديدة مع الاستخدام. ومع ذلك بنرجّعلك البنود تراجعها دايمًا.

أيوه، الويب والتطبيق بالعربي (RTL) والإنجليزي.

التطبيق متاح على App Store.

مش متاح حاليًا. لو ده مهم لشركتك قولّنا عشان نرتّبه في الخطة.

أيوه، تقدر تطلب حذف حسابك من التطبيق أو بالتواصل معانا. بيتحذف المستخدم وبياناته الشخصية، مع الاحتفاظ بسجل الصفقات المطلوب قانونيًا.